Кампањата „Не игнорирај! Реагирај!“ ја спроведува Институтот за комуникациски студии. Нашата цел е да го ​​зголемиме притисокот кон јавните институции за поефикасно решавање на проблемите од животната средина и истовремено да го поттикнеме и насочиме граѓанскиот активизам кон државните и локалните институции за прифаќање на концептот на одржлив развој. „Не игнорирај, реагирај!“ е платформа која обединува експерти од различни области, граѓански активисти, екологисти, креатори на јавно мислење, невладини организации и граѓански иницијативи, медиуми и поединци со цел:

• да ги изложиме проблемите со кои се соочуваме како заедница;
• да ги насочиме прашањата кон соодветните институции;
• да провоцираме решенија за подобра животна средина и квалитет на живеење.

Кампањата „Не игнорирај! Реагирај!“ ги опфаќа следните клучни теми:

ОДРЖЛИВИ ГРАДОВИ (март – април)

• Правилно просторно и урбанистичко планирање
• Повеќе градски паркови и зеленило за сите
• Развиена и соодветна транспортна инфраструктура
• Ефикасно управување со отпад

ЗДРАВА ОКОЛИНА (мај-јуни)

• Чист воздух наместо чад
• Здрава почва и чиста вода
• Подобра урбана хигиена
• Урбан биодиверзитет

КЛИМАТСКИ ПРОМЕНИ (септември-октомври)

• Рационална употреба на енергија
• Чисти горива

Кампањата „Не игнорирај! Реагирај!“ се реализира како дел од проектот „Поддршка за добро владеење преку граѓанско учество за поголема транспарентност и отчетност на институциите“, кој е финансиран од Британската амбасада во Скопје.

Лица за контакт:
Дејан Андонов, програмски координатор, dandonov@iks.edu.mk, 071 317 661
Лејла Шабан, проектен менаџер, lsaban@iks.edu.mk, 071 370 337

Кампањата се спроведува во соработка со факултети, средни училишта, граѓански иницијативи и еколошки организации. Голем број медиуми се приклучија кон кампањата и ќе информираат за активностите на „Не игнорирај! Реагирај!“ во текот на 2019 година.