Градоначалникот на Гази Баба го претрка Уставниот суд

Чешката фирма „Локо Транс“ следните 99 години ќе го користи државното земјиштето до скопската фабрика „Железарница“. Локалната власт го одобри закупот на земјиштето, долго време оспоруван од граѓанскиот сектор и жителите на населбата Железара, бидејќи оваа парцела е наменета и за изградба на производствени капацитети за тешка индустрија. Одбрението на градоначалникот доаѓа во време додека се чека одлуката на Уставниот суд дали ќе го поништи Деталниот урбанистички план во кој е утврдена намената за загадувачка индустрија. И градоначалникот на Гази Баба, Борис Георгиевски и фирмата инвеститор негираат дека тука ќе никнат нов загадувач, бидејќи тука само ќе се поправаат стари вагони.