Секторот Енергетика создава најмногу стакленички гасови во воздухот, пред се` поради употребата на фосилни горива, и најмногу придонесува за штетните влијанија од климатските промени, се наведува во Вториот двогодишен извештај за климатските промени во Македонија. Дури 80% од потребите за електрична енергија се задоволуваат главно со употреба на јаглен, додека количеството струја произведено од обновливи извори на енергија изнесува само 11% од вкупното производство на енергија. Ако не се намали доминантното користење на фосилни горива за производство на струја, според климатските сценарија за Македонија, во наредните педесетина години не очекуваат потопли лета, помалку врнежи и екстремни временски појави. Тоа ќе предизвика проблеми во земјоделството, водните ресурси, здравствениот систем, туризмот, биолошката разновидност... Дали е можен бизнис во земјава, а да се зачува животната средина? Кои се поволностите за домаќинствата и бизнис секторот од енергетската ефикасност со која ќе штедат и ќе ја штитат околината?

Ве покануваме да учествувате на панел дискусијата „Обновливи извори на енергија и енергетска ефикасност за подобра животна средина“, која ќе се одржи на 24 септември (вторник) од 10:30 до 13:30 часот во „Холидеј Ин“ (сала Милениум 1).

На настанот ќе говорат политичари, креатори на политики, професори, претставници на бизнис секторот и граѓански активисти.

АГЕНДА

Панел дискусијата се организира во рамките на кампањата за подобра животна средина „Не игнорирај! Реагирај!“, која ја реализира Институтот за комуникациски студии, а е финансирана од Британската амбасада во Скопје.

Контакт лице:

Дејан Андонов, Институт за комуникациски студии - Questo indirizzo email è protetto dagli spambots. E' necessario abilitare JavaScript per vederlo., 071 317 661